நகைச்சுவை

மகன்: என் மார்க் ஷீட்டில் கையெழுத்து போடாமல் கைநாட்டு வைக்கிறீர்களே, ஏன் அப்பா!

அப்பா : நீ வாங்கியுள்ள மார்க்குக்கு உன் அப்பா எழுத படிக்க தெரிந்தவர் என்று ஆசிரியர்களுக்கு தெரிய
வேண்டாம்!

******

பாட்டு பாடச் சொன்னால் பொண்ணு வாயை மட்டும் அசைக்கிறா... சத்தத்தையே காணோமே?

பொண்ணு கொஞ்சம் பலஹீனமா இருப்பாள்னு அப்பவே நான் சொன்னேனே!

******

வைர வியாபாரி தன் பையனை எப்படி திட்டுவார் ?

வாயாலதான்

தப்பு, தப்பு. "டெய் மண்டு" ன்னு திட்டுவார்.

******

பெண்களை மயக்கி கடத்தின வழக்குல நீங்க வாதியா, பிரதி வாதியா ?

மந்திரவாதி

******

ஊர்ல எல்லாரும் சவுக்கியமா ?

விளையாடறீங்களா ? எங்க ஊர்ல 12,435 பேர் இருக்காங்க.  யார் யார் சவுக்கியம்னு எனக்கெப்படி
தெரியும் ?

******

ஏன் சார் முறைக்கிறீங்க ? நீங்க கேட்டது லெமன் ரைஸ் தானே ?

ஆமா

அதான் எலுமிச்சையும, அரிசியும் கொண்டு வந்து வெச்சிருக்கேன்

******

டாக்டர், எனக்கு மாங்கல்ய பிச்சை நீங்கதான் போடணும்.

தங்கம் என்ன விலை விக்குது. பேசாம வாரப் பத்திரிகைங்க நடத்துற போட்டியில கலந்துக்கங்க.

******

இன்றைய மெகா ஜோக்:

நம்ம கேப்டனுக்கு சாப்பிட ஏன் நிறைய வாழைப்பழம் கொடுக்கறாங்க ?

டாஸ் போட்ட நாணயத்தை அண்ணாந்து பார்த்திருக்கார். அது வயித்துக்குள்ளே போயிடுச்சாம்.

******